नेपाल अपाङ संघ कैलालीके अध्यक्षमे दिपेन्द्र सिंह

पहुरा समाचारदाता
धनगढी, १९ अगहन । नेपाल अपाङ संघ खगेन्द्र नवजीवन केन्द्र कैलाली जिल्ला शाखाके अध्यक्षमे दिपेन्द्र सिंह निर्वाचित हुइल बटै । मंगरके रोज धनगढीमे सम्पन्न नेपाल अपाङ संघ खगेन्द्र नवजीवन केन्द्र कैलाली जिल्ला शाखाके जिल्ला अधिवेशनसे सिंह निर्विरोध निर्वाचित हुइल रहिट ।

नेपाल अपाङ संघ खगेन्द्र नवजीवन केन्द्र कैलाली जिल्ला शाखाके अध्यक्षमे निर्वाचित दिपेन्द्र सिंह नम्मा समयसे टमान सामाजिक कार्यमे सक्रिय रहटी आइल बटै । फुटबलमेफे उहाँ नम्मा समयसे आवद्ध रहटी आइल बटै कलेसे उहाँ राजनितिमेफे सक्रिय रहल बटै । सिंहके अध्यक्षतामे १४ सदस्यीय जिल्ला कार्य समिति निर्विरोध निर्वाचित हुइल बटै ।

संघके सदस्यमे रमेशचन्द्र भण्डारी, शिवराज ओझा, गोविन्दवहादुर मल्ल, शेरसिंह खड्का, नन्दा भट्ट ओ नवराज पन्त निर्वाचित हुइल बटै । संघके जिल्ला सदस्यमे निर्वाचित हुइलमे राजेन्द्रप्रसाद जोशी, नरेन्द्रप्रसाद जैसी, नन्दराज भट्ट, अनिलकुमार मल्ल, तुलसी जोशी, नयनवहादुर केसी ओ भीम कुस्मी रहल बटै ।