कैलारीमे विद्यालय स्तरीय वक्तृत्वकला प्रतियोगिता

पहुरा समाचारदाता
हसुलिया, २० अगहन । कैलाली जिल्लाके कैलारी गाउँपालिकामे लैङिक हिंसा विरुद्धके १६ दिवसिय अभियान अन्र्तगत माध्यमिक विद्यालय स्तरीय वक्तृत्वकला प्रतियोगिता सम्पन्न हुइल बा ।कैलारी गाउँपालिका महिला तथा बालबालिका शाखाके आयोजनामे यहाँ रहल क्रियाशिल रहल टमान संघसंस्थाके सहकार्यमे बुधके रोज माध्यमिक विद्यालय स्तरीय वक्तृत्वकला प्रतियोगिता हुइल हो ।

गाउँपालिका उपाध्यक्ष भगवतीकुमारी चौधरीके वडका पहुनामे हुइल कार्यक्रममे उहाँ लैङिक हिंसा न्यूनिकरणमे विद्यार्थीनहे भारी योगदान हुई सेक्ना बटैली । लैङिक हिंसा घरसे सुरुवाट हुइटी सक्कु क्षेत्रमे हुइठ ।

विद्यार्थीहुक्रे सचेत हुइलेसे अपन अभिभावकहेफे सिखाई सेक्ना उहाँ बटैली । छोट उमेर बालविवाहके घटनामे बृद्धि हुइल कहटी विद्यार्थी सचेत हुइलेसे ओकर न्यूनिकरण करे सेक्ना उपाध्यक्ष बटैली ।

वडा नम्बर ३ के वडा अध्यक्ष सन्तराम चौधरी बालबालिका लागु औषधके दुव्र्यशनीमे फस्टी गैल ओरसे सचेतना आवश्यक रहल बटैली । बालबालिका देशके अब्बेक कर्णधार रहल कहटी ओइनहे जिम्मेवार बनैना अभिभावक, शिक्षककेफे दायित्व रहल बटैलै ।

विद्यालय स्तरीय वक्तृत्वकला प्रतियोगितामे पहिलमे पत्रिका ढुङगाना लक्ष्मी मावि, दुसरामे दिपा राना जनता मावि ओ टिसरामे अनिता कार्की जनकल्याण मावि पवेरा हुइल बटै ।

लैङिक हिंसा विरुद्धके १६ दिवसिय अभियान अन्र्तगत कैलारीमे लैङिक हिङ्सा ओ लागू औषध दुव्र्यसन विरुद्ध विद्यालय ओ वडा स्तरमे अभिमुखस्करण कार्यक्रम कैगिल बा । दिपेन्द्र मा वि हसुलियामे मावि स्तरीय हाजिरी जवाफ प्रतियोगिता ओ कैलारी–४ सुन्दरपुर मुक्त कमैया शिविरमे लैङिक हिङ्सा नियन्त्रणके लाग अभिमुखीकरण, अपांगता रहल व्यक्तिहुकनके सक्रिय सहभागितामे सचेतनामुलक प्रभातफेरी तथा अन्य विविध कार्यक्रम, लैङिक हिङ्सा विरुद्धके १६ दिने अभियानके अवसरमे स्थानीय जनप्रतिनिधिहुकनके लाग मानव अधिकार सरक्षण सम्बद्र्धन ओ मानव अधिकारके हननके घटना व्यवस्थापनके प्रकृया साथे लैङिक हिंसा, मनोसामाजिक परामर्श कार्यक्रम कैगिल रहे ।

लैङिक तथा यौनिक अल्पसंख्यकहुकनके पहिचान ओ अधिकार सम्बन्धी छलफल कार्यक्रम, कैलारी–४ मे लैङिक हिंसा÷बालविवाह अन्त्य, मनोसामाजिक परामर्श ओ लैङिक तथा यौनिक अल्पसंख्यक वर्गके पहिचान, विभेद अन्त्यके विषयमे छलफल कैगिल बा ।

लैङिक हिंसा अन्त्यके सुनिश्चितता ः महिला ओ बालबालिकाके लगानीमे ऐक्यवद्धता लैङिक हिंसा विरुद्धकके १६ दिने अभियान २५ नोभेम्वर प्रभातफेरी ओ कोण सभासे शुरु हुइल ओ १० डिसेम्वरसम टमान कार्यक्रम करके बनैना महिला तथा बालबालिका शाखा प्रमुख बालकुमारी चौधरी बटैली ।