लैङिक हिंसा विरुद्धके १६ दिने अभियान सम्पन्न
पहुरा समाचारदाता
हसुलिया, २४ अगहन । लैङिक हिङ्सा अन्त्यके सुनिश्चितताः महिला ओ बालबालिकाके लगानीमे ऐक्यवद्धता कना मुल नाराके साथ २५ नोभेम्वर २०८० से डिसेम्बर १० सम संचालित लैङिक हिसा विरुद्धके १६ दिने अभियान एक कार्यक्रमके विच अँटवारके रोज सम्पन्न हुइल बा ।
कैलारी गाउँपालिका उपाध्यक्ष भगवतीकुमारी चौधरीके वडका पहुनामे हुइल कार्यक्रममे उहाँ लैङिक हिंसा विरुद्धके अभियानहे कैलारीमे भव्यताके साथ सम्पन्न करेक लाग सहयोग करुइया सक्कु जनहनहे धन्यवाद व्यक्त करल रही । लैगिक हिंसा अन्त्य करेक लाग सक्कु जानेक प्रतिवद्धता ओ सहयोग अनिवार्य रहल उहाँ बटैली । महिलाहुक्रे ंिहसा सहके बैठल ओरसे घरेलु हिंसा, सामाजिक हिंसा बाहेर आइनइसेकल गाउँपालिका उपाध्यक्ष बटैली ।
लैङिक हिसा विरुद्धके १६ दिने अभियान अन्र्तगत कैलारी गाउँपालिकाके ९ वडामे हिंसा निवारण सम्बन्धित सडक नाटक, छलफल तथा अन्तरकृया, वक्तृत्वकला प्रतियोगिता, हाजिरी जवाफ प्रतियोगिता, प्रभातफेरी, लागू औषध दुव्र्यशनी विरुद्धके सचेतना ओ मनोसामाजिक परामर्श सम्बन्धी कार्यक्रम कैगिल महिला तथा बालबालिका शाखा प्रमुख बालकुमारी चौधरी बटैली ।
लैङिक हिंसा विरुद्धके १६ दिने अभियानके समापन तथा ७५ औ अन्तर्राष्ट्रिय मानव अधिकार दिवसके अवसर पारके टमान प्रतियोगितामे सहभागीहुकन सम्मान तथा पुरस्कार वितरण कैगिल बा । हिंसा विरुद्धके गतिविधि संचालनमे सहभागिता जनाइल कैलारी गाउँपालिकामे क्रियाशिल संघ सस्था, सहकारी सस्थाहेफे कदरपत्र पुूदान कैगिल बा ।
कार्यक्रममे वडा नम्बर ३ के वडा अध्यक्ष सन्तराम चौधरी, वडा नम्बर ४ के वडा अध्यक्ष ठागुराम चौधरी, वडा नम्बर ६ के वडा अध्यक्ष प्रेमबहादुर चौधरी, प्रमुख प्रशासकीय अधिकृत विरबहादुर ऐरलगायत मन्तव्य व्यक्त करल रहिट । कार्यक्रममे वडा अध्यक्ष, कार्यपालिका सदस्य, वडा सदस्य, टमान संघसंस्थाके प्रतिनिधिहुकनके सहभागिता रहे ।
