प्रदेश संसदीय टोलीसे कैलारीमे निर्माणाधिन १५ शैया अस्पतालके अनुगमन

पहुरा समाचारदाता
हसुलिया, २६ अगहन । कैलाली जिल्लाके कैलारी गाउँपालिका वडा नम्बर ५ मे निर्माण हुइल १५ शैयाके अस्पतालके प्रदेश संसदीय टोलीसे मंगरके रोज अनुगमन कैगिल बा ।

सुदूरपश्चिम प्रदेशसभा सचिवालय अन्र्तगत रहल सामाजिक विकास समितिके टोलीसे कैलारी–५ मे निर्माण हुइटी रहल उ अस्पतालके अनुगमन करल हो । समितिके सभापति एवं जेष्ठ सदस्य हिरा सार्की, माननीयहुक्रे प्रकाश बहादुर बम, धर्मराज पाठक, तुल्सी देवकोटा, सरस्वती खडका, जानकी कुँवर,निर्मलादेवी साउद, माया पन्त, कैलारी गाउँपालिकाके उपाध्यक्ष भगवतीकुमारी, वडा नम्बर ३ के वडा अध्यक्ष सन्तराम चौधरी, वडा नम्बर ५ के वडा अध्यक्ष विष्णु प्रसाद चौधरी, प्रमुख प्रशासकीय अधिकृत विरबहादुर ऐर, सामाजिक विकास शाखा प्रमुख यगम कलेल, स्वास्थ्य शाखा प्रमुख नरेशकुमार चौधरी, नेपाली काँग्रेस कैलारी गाउँपालिका सभापति कृष्ण प्रसाद चौधरीलगायतसे अनुगमन कैगिल बा ।

निर्माणाधिन अस्पतालके भौतिक संरचना यिहे आर्थिक बर्षभिटर हस्तान्तरण कैना मेरिक काम तिब्र गतिमे बह्रल बा ।
ओस्टेक वडा नम्बर ७ गाउँपालिकाके स्वास्थ्य, सुरक्षा लगायतके टमान विषयमे गाउँपालिकाके उपाध्यक्ष उपाध्यक्ष भगवतीकुमारी, वडा नम्बर ३ के वडा अध्यक्ष सन्तराम चौधरी, वडा नम्बर ७ के वडा अध्यक्ष दिपेन्द्रबहादुर बम, प्रमुख प्रशासकीय अधिकृत विरबहादुर ऐर, सामाजिक विकास शाखा प्रमुख यगम कलेल, स्वास्थ्य शाखा प्रमुख नरेशकुमार चौधरी, कार्यपालिका सदस्य सुन्दरी चौधरी, नेपाली काँग्रेस कैलारी गाउँपालिका सभापति कृष्ण प्रसाद चौधरी, भुइयाफाँटा विओपीके प्रमुख खगेन्द्र बहादुर चन्द ओ समितिके सभापति एवं जेष्ठ सदस्य हिरा सार्की, माननीयहुक्रे प्रकाश बहादुर बम, धर्मराज पाठक, तुल्सी देवकोटा, सरस्वती खडका, जानकी कुँवर, निर्मलादेवी साउद, माया पन्तविच छलफल कैगिल बा । समितिहे गाउँपालिकाके स्वास्थ्य शाखा प्रमुख नरेश कुमार चौधरी जानकारी डेहल रहिट ।