प्रारम्भिक शिक्षाके विषयमे शिक्षकहुकनहे दुई दिने तालिम सुरु
महादेव गिरी
धनगढी, २९ अगहन । चैतन्य इन्स्टिच्युट फर रिसर्च एण्ड डेभलपमण्ट शिवनगर धनगढीके आयोजनामे पूर्व प्राथमिक तहके शिक्षकके लाग शुकके रोजसे धनगढीमे तालिम सुरु हुइल बा । चैतन्य इन्स्टिच्युट फर प्रारम्भिक शिक्षाके विषयमे शिक्षक शिक्षिकाहुकनके लाग तालिम सुरु हुइल हो ।
चैतन्य रिसर्च एण्ड डिभलोम्यनेट सेन्टरसे धनगढीमे अध्यापन करैटी रहल शिक्षक, शिक्षिकाहुकनके लाग दुई दिने तालिमके आयोजना करल हो । चैतन्य रिसर्च एण्ड डिभलोम्यनेट सेन्टरके अध्यक्ष डा.हेमराज पन्तके अध्यक्षतामे हुइल तालिमके उदघाटन सुदूरपश्चिम प्रदेशके प्रमुख सचिव डा. हरि लम्साल करलै ।
उ अवसरमे बोल्टी प्रमुख सचिव डा.लम्साल अब्बेक शिक्षा विग्रटी गैल बटैलै । उहाँ प्रविधिके युग हुइलेसेफे शिक्षा क्षेत्र झन् खस्कटी अवस्थामे रहल बटैलै । टमान व्यक्ति शिक्षा पेशामे लागल हुइलेसेफ शिक्षाप्रति लगाव नइरहल उहाँक कहाई बा । शिक्षामे लगाव बढे सेक्लेसे गुणस्तरीय शिक्षा डेहे सेक्ना उहाँ बटैलै ।
उहाँक अनुसार शिक्षा पेशामे लगुइया इमान्दारी पूर्व काम करे सेक्लेसे भर शिक्षामे भारी उपलब्धि हुइना उहाँक विश्वास बा । शिक्षाके सुधारके लाग सुदूरपश्चिमके कैलाली लगायतके अन्य जिल्लाके विद्यालयसेफे यी मेरिक तालिम सञ्चालन कैना आवश्यक रहल चैतन्यके सिईओ गणेशप्रसाद जोशी बटैलै । शिक्षाके सुधारके लाग उप्पर तहसे फे तरेक तहमे ढेर जोड डेना आवश्यक रहल उहाँ औल्यइलैं ।
तालिममे धनगढीके ६ ठो निजी विद्यालयके शिक्षक, शिक्षिका सहभागी बटै । तालिमके सहजकर्ता काठमाडौँ विश्व विद्यालयके प्रोग्राम संयोजक डा. मिनाक्षी दाहाल ओ सुस्मा दाहाल रहल बटै । कलेसे चैतन्य पाठशाला स्कुलके सहायक प्रिन्सिपल कटकबहादुर सिंह सञ्चालन करल कार्यक्रममे स्वागत मन्तव्य चैतन्यके सिईओ गणेशप्रसाद जोशी रख्ले रहिट ।
