शान्ति संग्राहलय संचालक समिति गठन

पहुरा समाचारदाता
हसुलिया, १३ पुस । कैलाली जिल्ला कैलारी गाउँपालिका वडा नम्बर ६ मे निर्मित द्वन्दपीडितहुकनके शान्ति संग्राहलय संचालक समिति गठन कैगिल बा ।

मानव अधिकारका महिला एकल महिला समुह (डब्लुएचआर) कैलालीके जिल्ला उपाध्यक्ष धना पाठकके अध्यक्षता ओ कैलारी गाउपालिका अध्यक्ष राजसमझ चौधरीके वडका पहुनामे शुकके रोज हसुलियामे हुइल एक कार्यक्रममे ११ सदस्यीय शान्ति संग्राहलय संचालक समिति गठन कैगिल हो । समितिके संयोजकमे गाउँपालिका अध्यक्ष राजसमझ चौधरी ओ सदस्य सचिव सामाजिक विकास शाखा प्रमुख यगम कलेल रहल बटै ।

प्रमुख पदेन सदस्यमे कैलारी– ६ के वडा अध्यक्ष प्रेमबहादुर चौधरी, सदस्यमे नागरिक समाजसे आशाराम चौधरी, अगुवा व्यक्तिसे भल्मन्सा १ जाने, द्वन्दपीडित सबिता चौधरी, विस्थापित कृष्ण चौधरी, दलित महिला सदस्य गीता सुनार रहल बटै । आमन्त्रित सदस्यमे डब्लुएचआर कैलालीके प्रतिनिधि, संचारकर्मी प्रेम चौधरी रहल बटै । ओस्टेक करके द्वन्दपीडितहुकनके साझा चौतारीके रुपमे निर्मित शान्ति संग्राहलयहे ठप व्यवस्थापित बनैना छलफल कैगिल रहे । कार्यक्रममे सहजीकरण मानव अधिकारका महिला एकल महिला समुहसे संचालित शान्ति परियोजनाके संयोजक वेद अवस्थी करल रही ।

कार्यक्रममे कैलारी गाउँपालिकाके उपाध्यक्ष भगवतीकुमारी चौधरी, प्रमुख प्रशासकीय अधिकृत विरबहादुर ऐर, वडा नम्बर १ के वडा अध्यक्ष धोजहरिपाल बोहरा, वडा नम्बर २ वडा अध्यक्ष विकास चौधरी, वडा नम्बर ३ वडा अध्यक्ष सन्तराम चौधरी, वडा नम्बर ४ वडा अध्यक्ष ठागुराम चौधरी, वडा नम्बर ५ के वडा अध्यक्ष विष्णु प्रसाद चौधरी, वडा नम्बर ६ के वडा अध्यक्ष प्रेमबहादुर चौधरी, वडा नम्बर ७ वडा अध्यक्ष तथा गाउँपालिका प्रवक्ता दिपेन्द्रबहादुर बम, वडा नम्बर ८ के वडा अध्यक्ष तारामल कठरिया, वडा नम्बर ९ वडा अध्यक्ष खेमराज चौधरीलगायत २५ जानेक सहभागिता रहे ।