सयपत्री सावउसके नवौं साधारणसभा
जीवन चौधरी
भजनी, १७ पुस । भजनी–९, आमबारीस्थित सयपत्री सामुदायिक वन उपभोक्ता समूहके मंगरके रोज नवौं साधारण सभा तथा सार्वजनिक सुनुवाइ हुइल बा ।
सीएफसीसी भजनीके अध्यक्ष खोमराज चौधरी उद्घाटन करल कार्यक्रम सावउसके अध्यक्ष पदमबहादुर चौधरीके अध्यक्षतामे हुइल रहे ।
कार्यक्रमके उद्घाटन करिट सीएफसीसीके अध्यक्ष चौधरी सामुदायिक वनके संरक्षण ओ प्रवद्र्धनके लाग सरकारसे लागू करल नीति नियम पालना करे परना बटैलैं । उहाँ सामुदायिक वनके आर्थिक कारोबारहे सुशासनयुक्त बनाइक लाग बैंकिङ कारोबार करेपरना बटैलैं । कार्यक्रममे सवडिभिजन वन कार्यालय पचमुडियाके रेञ्जर केशव पोख्रेल, शुत्रकामना सावउसके सदस्य पूर्ण बन्तोला, जनज्योति सोनिया सावउसके सचिव वीरबहादुर थारु, वसन्ता संरक्षित वन परिषदके सचिव वीरबहादुर हमाललगायत मन्तव्य व्यक्त करले रहैं ।
उ अवसरमे सावउसके लेखा समिति सदस्य रामप्रसाद चौधरी आर्थिक वर्ष २०७९/०८० के प्रस्तुत करले रहैं । लेखा समिति संयोजक दीपक ओली स्वागत करल कार्यक्रमके लेखा समिति सदस्य शिवबहादुर विक करले रहैं ।
