चैतन्य पाठशालासे शिक्षकहुकनहे ल्यापटप प्रदान
पहुरा समाचारदाता
धनगढी, २६ पुस । धनगढी उपमहानगरपालिका वडा नम्बर ५ शिवनगर स्थित चैतन्य पाठशालाके शिक्षकहुकनहे ल्यापटप प्रदान कैगिल बा ।
चैतन्य पाठशालाके प्रमुख सल्लाहकार प्रा. डा. हेमराज पन्त विद्यालयके सक्कु शिक्षकहुकनहे ल्यापटप प्रदान करल हुइट । चैतन्य पाठशालामे आयोजित कार्यक्रममे शिक्षकहुकनहे प्रमुख सल्लाहकारसंग साक्षत्कारसंगे थप ल्यापटप वितरण कैगिल विद्यालय जनैले बा ।
चैतन्य पाठशालासे स्मार्ट बोर्ड मार्फत पठनपाठन करैना ओ शिक्षकहुकनहे प्रविधी युक्त बनैना हरेक शिक्षकहुकनहे ल्यापटप उपलब्ध करैना सुदूरपश्चिमके पहिल विद्यालय रहल चैतन्य पाठशाला जनैले बा । विद्यालयके प्रमुख सल्लाहकार प्रा. डा. पन्त शैक्षिक सुधारमे शिक्षकके मुख्य भूमिका हुइना बटैलै ।
शिक्षकहे विद्यालयके पठन पाठन तथा अध्यापन करेबेर अभिन झन् सहजुल ओ प्रविधिमैत्री हुइना बाटमे अपने विश्वस्त रहल जानकारी डेलै । उहाँ विद्यालयमे आवश्यक पर्ना प्रविधिहेफे जोरटी जाई पर्ना उल्लेख करटी पाठशालाके सक्कु शिक्षकहुकनहे ल्यापटप वितरणसे सहजता प्रदान हुइना बटैलै ।
उ अवसरमे चैतन्य पाठशालाके अध्यक्ष गणेशप्रसाद जोशी शिक्षकहकनके मेहनत ओ लगावसे शैक्षिक संस्थासे सार्थक रुप लेना बटैलै । उहाँ विद्यालयके प्रमुख सल्लाहकारहे विशेष धन्यावाद व्यक्त करटी सक्कु जानेक योगदानप्रति धन्यवाद डेले बटै । कार्यक्रममे विद्यार्थी, अभिभावक, विद्यालयके शिक्षक शिक्षिकाहुकनके उपस्थिति रहल रहे । कलेसे कार्यक्रमके सहजीकरण सहायक प्रधानाध्यापक कटकबहादुर सिहँ करल रहिट ।
