चैतन्य पाठशालासे निबन्ध लेखन प्रतियोगिता

पहुरा समाचारदाता
धनगढी, २९ पुस । चैतन्य पाठशालाके आयोजना तथा अमेरिकन कर्नरके सहकार्यमे निबन्ध लेखन अभिमुखीकरण तथा प्रतियोगिता कैगिल बा ।

उ प्रतियोगितामे नीजि तथा सामुदायिक विद्यालय करके १२ विद्यालयके सहभागिता रहे । प्रतियोगितामे गीलि एकेडेमीके नीलम पाण्डे पहिल, पञ्चोदय माविके बर्खा चौधरी दुरा ओ ज्ञान ज्योति सेकेण्डरी स्कूलसे सोनु भट्ट ओ प्राञ्जल गुरागाईँ एभरेष्ट एकेडेमी टिसरा स्थान प्राप्त करलै ।

प्रतियोगितामे युएस अल्मुनाई सुमन श्रेष्ठ, नेल्टा सुप सचिव केडी भट्ट अभिमुखीकरण करल रहिट । चैतन्य पाठशालाके अभधरणा एवम् कार्यक्रमके सहजीकरण चैतन्य पाठशालाके सहायक प्रिन्सिपल कटक सिंह करल रहिट । कार्यक्रममे धन्यवाद ज्ञापन चैतन्य पाठशालाके प्रिन्सिपल, युएस अल्मूनआइ अशोक राज खाती व्यक्त करल रहिट ।

कार्यक्रममे प्याब्सन केन्द्रीय सदस्य योगेन्द्र हमाल, तथा कैलाली उद्योग वाणिज्यके व्यवस्थापक सुरेश पाण्डेय, अमेरिकी कर्नर के संयोजक दिव्या बम अमेरिकी कर्नर पुस्तकालयबारे जानकरी कराइल रहिट ।