योजना उपभोक्ता समितिके पदाधिकारिनहे योजना कार्यान्वयन अभिमुखीकरण तालिम

पहुरा समाचारदाता
हसुलिया, ४ माघ । योजना उपभोक्ता समितिके पदाधिकारीहुकनहे योजना कार्यान्वयन सम्बन्धी एक दिने अभिमुखीकरण तालिम डेहल बा ।

कैलारी गाउँपालिकाके आयोजनामे वडा नम्बर ५ मे संचालित योजनाके उपभोक्ता समितिके पदाधिकारीहुकनहे योजना कार्यान्वयन सम्बन्धी एक दिने तालिम विफेक रोज पवेरामे डेगैलक योजना शाखा प्रमुख सन्तोषकुमार चौधरी बटैलै ।
उहाँ कहलै, यिहे आर्थिक बर्षमे सम्झौता हुइल योजनाके उपभोक्ता समितिके पदाधिकारी (अध्यक्ष, सचिव, कोषाध्यक्षहुकनहे तालिम डेहल बा ।’

तालिममे योजनाके भुक्तानी प्रक्रिया, बजेट निर्माण, बस्ती भेला, योजना छनौट प्रक्रिया, समयमे योजना सम्पन्न कैना प्रक्रिया, कौन रकम फ्रिज जैना, कौन रकम फ्रिज नइजैना, विल भपाई, कागजात मिलैना प्रक्रियाबारे जानकारी डेहल बा ।

कार्यक्रम वडा नम्बर ५ के वडा अध्यक्ष विष्णुप्रसाद चौधरीके अध्यक्षतामे हुइल कार्यक्रममे वडा सदस्य अनारकली चौधरी, मानबहादुर चौधरी, पवित्रा परियार, भागुदास चौधरीलगायत टमान उपभोक्ता समितिके पदाधिकारीनके सहभागिता रहे । तालिममे योजना शाखा प्रमुख सन्तोषकुमार चौधरी ओ असिस्टेन्ट सब इन्जिनियर हिमाल कुश्मी सहजीकरण करल रहिट ।