घोडाघोडी–१०, थेवै गाउँक भल्मन्सामे शंकर चौधरी

पहुरा समाचारदाता
पहलमानपुर, ६ माघ । कैलाली जिल्लाके घोडाघोडी नगरपालिका–१० थेवै गाउँक भल्मन्सामे शंकर चौधरी सर्व सहमतसे चयन हुइल बटै ।

शनिच्चरके रोज हुइल भुरा खेलसे शंकर चौधरीके नेतृत्वमे लौवा कार्यसमिति चयन हुइल थारु यूवा बृद्धिजीवी ठाकुर प्रसाद करियाप्रधान जानकारी डेलै ।

थारु समाजके समाजवाद विधिो शासन, सस्कार, सस्कृती, चलन अनुसार गाउँक खोज्नी बोजनी करटी भुरा खेलसे लौवा नेतृत्व चयन करल उहाँ बटैलै । गाउँक चिराकीमे सोनुराम चौधरी, सचिवालय समितिमे गंगाराम चौधरी, महलु चौधरी, किस्ना चौधरी, रामेश्वरी चौधरी ओ सन्तराम चौधरी चयन हुइल उहाँ जनैलै । थारु समुदायके माघ महिनामे गाउँक लौवा नेतृत्व चयन कैना परम्परा बा ।