नुक्लिपुर होमस्टेमे कृषि जैविक विविधता दिवस मनागिल

पहुरा समाचारदाता
मसुरिया, ६ माघ । कैलालीके नुक्लिपुर सामुदायिक होमस्टेमे कृषि जैविक विविधता दिवस मनागिल बा ।

गौरीगंगा नगरपालिका १० मे रहल नुक्लिपुर सामुदायिक होमस्टेमे ‘कृषि जैविक विविधता, हमार अमुल्य सम्पदा, संरक्षण एंव दिगो उपयोग प्रतिवद्वता’ कना मुल नाराके साथ दुसरा राष्ट्रिय कृषि जैविक विविधता दिवस तथा अन्तरक्रिया कार्यक्रम कैगिल हो । नुक्लिपुर सामुदायिक होमस्टेके अध्यक्ष दिनेश दहितके अध्यक्षतामे हुईल कार्यक्रमके वर्का पहुना वडा अध्यक्ष नरसिंह सार्की रहल रहिट ।

कार्यक्रमके बारेमे होमस्टे महासंघ सुदुरपश्चिम कार्यसमितिके सचिव सन्तकुमार चौधरी जानकारी डेहल रहिट ।
कृषि जैविक विविधताके बारेमे जानकारी कृषि प्रशिक्षक प्रकाश थापा डेहल रहिट । कार्यक्रममे समाजसेवी तुलाराम साउद, वडा सदस्य तिलाराम चौधरी, वडा सदस्य जानकी बोहरा लगायतके कृषक समूह, सहकारी प्रतिनिधि, कृषक लगायतके सहभागी रहल रहे ।

होमस्टे (घरबास) महासंघ नेपाल ओ रैथाने एग्री प्रडक्टस नेपाल प्रालिके आयोजनामे नेपाल सरकार कृषि तथा पशुपंक्षि विकास मन्त्रालय कृषि विकास तथा कृषि जैविक विविधता संरक्षण केन्द्रके सहकार्यमे दिवस मनागिल हो ।