नेपाली काँग्रेससे माघ मिलन कार्यक्रम
पहुरा समाचारदाता
हसुलिया, ६ माघ । नेपाली काँग्रेस क्षेत्र नम्बर ३ स्थित बडका बसन्तामे माघ मिलन तथा शुभकामना अदानप्रदान कार्यक्रम कैगिल बा ।
नेपाली काँग्रेस कैलारी–७ के आयोजनामे हुइल कार्यक्रममे नेपाली काँग्रेस कैलालीके उपसभापति खेमराज चौधरी वडका पहुना रहल रहिट । कार्यक्रममे विशिष्ट पहुना नेपाली काँग्रेस कैलारी गाउँपालिका सभापति कृष्णप्रसाद चौधरी, नेपाली काँग्रेसके महाधिवेशन प्रतिनिधि तथा कैलारी गाउँपालिका वडा नम्बर ७ के वडा अध्यक्ष एवम प्रवक्ता दिपेन्द्रबहादुर बम, नेपाली काँग्रेसके महाधिवेशन प्रतिनिधि मनिराम चौधरी, रमेश चौधरी लगायत मन्तव्य व्यक्त करल रहिट ।
नेपाली काँग्रेस वडा नम्बर ७ के सभापति बालकराम चौधरीके अध्यक्षतामे हुइल कार्यक्रममे स्वागत मन्तव्य कैलारी गाउँपालिका कार्यपालिका सदस्य तथा नेपाली काँग्रेस कैलारी–७ के वडा सदस्य सुन्दरीदेवी चौधरी करल रहिट । कलेसे संचालन वडा सचिव सिद्धिराम चौधरी करल रहिट ।
