कैलारी–६ के ग्राभेल डगरके अनुगमन

पहुरा समाचारदाता
हसुलिया, १२ माघ । कैलारी गाउँपालिकाके वडा नम्बर ६ के ग्राभेल डगरके अनुगमन समितिसे शुकके रोज अनुगमन करले बा ।

पालिकास्तरीय अनुगमन समितिके संयोजक भगवतीकुमारी चौधरीके नेतृृत्वमे शुकके रोज रोज स्थलगत अनुगमन कैगिल हो । वडा नम्बर ९ के सिमना बनकन्दीसे लम्मीफाँटासम साढे आठ सय मिटर, खरेटी गाउँमे ६ सय मिटर ओ बनकट्टमे ८ सय मिटरसम सडकमे डारगिलक ग्राभेलके अनुगमन कैगिल हो ।

अनुगमनमे समितिके संयोजक भगवतीकुमारी चौधरी, समितिके सदस्य सुनिला चौधरी, योजना शाखा प्रमुख सन्तोषकुमार चौधरी, प्राविधिक असिस्टेन्ट सबइन्जिनियर निर्मल चौधरीलगायतके उपस्थिति रहे ।