चैतन्यसे अभिभावक शिक्षा कार्यक्रम
पहुरा समाचारदाता
धनगढी १३ माघ । धनगढीमे रहल चैतन्य पाठशाला स्कुलसे अभिभावक शिक्षा चैतन्य आदर्श अभिभावक उत्पे्ररणा कार्यक्रम सम्पन्न करले बा ।
अभिभावक शिक्षा तथा चैतन्य आदर्श अभिभावक उत्प्रेरणा कार्यक्रम अभिभावक कार्यक्रम विद्यालयके व्ययस्थापन समितिके अध्यक्ष ईश्वर गिरी के अध्यक्षतामे हुइल वरका पहुना चैतन्य ईन्सिच्युड अफ म्यानेजमेन्टके प्रमुख प्रशासकीय अधिकृत तथा चैतन्य पाठशालाके अध्यक्ष गणेश प्रसाद जोशी रहल रहिट । कलेसे पहुना चैतन्य पतन्जली योग समितिके संयोजक गोरख खाती रहल रहिट । अभिभावक शिक्षा चैतन्य आदर्श अभिभावक उत्पे्ररणा कार्यक्रमे बोल्टी बरका पहुना जोशी शिक्षासंग संस्कारहे प्राथमिकता डेटी आइल चैतन्य पाठशालासे शनिच्चर अभिभावक शिक्षा चैतन्य आदर्श अभिभावक उत्पे्ररणा कार्यक्रम एक कार्यक्रम करके मनैना धनगढीमे पहिल स्कुल रहल बटैलै । उहाँ शिक्षा ओ संस्कारके कारण अब्बे संस्कृतीके विकास हुइटी रहल बटैटी शिक्षासे संस्कार ओ संस्कारसे शिक्षाहे जोरना पुलके काम करल बटैलै । हमार शिक्षामे सुधार पढाइहे केल नइहुके पढाइसंग सगे अन्य अतिरिक्त क्रियाकलाप कैना पहिल स्कुल चैतन्य रहल जोशी बटैलै ।
हमार समाजके शिक्षाहे सुघार कैना हो कलेसे समाजमे रहल हरेक परिवेशमे रहल बालबालिकाहे एकजुठ कैनाके साथे समाजके विकासके शिक्षाहे सुधार कैना आवश्यक रहलफे उहाँ बटैलै । काल्हके शिक्षासे आजके शिक्षामे ढेर बाटमे आघे हुइल अभिन शिक्षा क्षेत्रमे नयाँ आयम थप कैना यम्ने असल अभिभावकके महत्व पूर्ण भूमिका रहे पर्ना बरका पहुना जोशी बटैलै ।
चैतन्य पाठशालाके प्रधानाध्यापक कटक बहादुर सिह शिक्षा क्षेत्रमे फरक करे पर्ना समय आइल बटैलै । समाज सापेक्षय नयाँ सुरुवाट कैना समय सापेक्षय अनुसार कैसिक शिक्षाहे मजा कैनामे अभिभावक भूमिका शिक्षकसेफे अभिभावकके भारी भूमिका रहल बटैलै । समाजहे शिक्षित समाज बनैना बा कलेसे शुरुमे अभिन सुरु करे पर्ना बटैलै ।
कार्यक्रममे बोल्टी शिक्षामे रुपान्तण करे पर्ना हम्रे सक्कुहुनके काँधमे जिम्मेवारी हो कहिके हम्रे लागे पर्ना चैतन्य पाठशालाके पिटी ए, अध्यक्ष ईश्वर गिरी बटैलै । अभिभावक शिक्षा चैतन्य आदर्श अभिभावक उत्पे्ररणा कार्यक्रममे अभिभावक, शिक्षक, शिक्षिका, विद्यार्थी रहल रहिट । कार्यक्रमके सहजीकरण विद्यालयके शिक्षक बिन्दा बम करल रहिट । कार्यक्रमके सञ्चालन विद्यालयके शिक्षक रमेश छेडाल करल रहिट ।
