सवारी दुर्घटनामे एक जानेक मृत्यु

पहुरा समाचारदाता
धनगढी, १७ माघ । कैलालीके धनगढी उपमहानगरपालिका–६ जाली स्थित बासुदेवी स्कुल लग्गे स्कुति दुघर्टना हुके एक जानेक मृत्यु हुइल बा ।

से १ प २८५९ नम्बरके स्कुटी अपनही अनियन्त्रित हुके पल्टेबेर मंगरके साँझ दुर्घटना हुईबेर स्कुटी पाछे बैठल जिल्ला बर्दिया बाँसगढी न.पा.४ बठौवा गाँउ बैठना बर्ष २५ के लालु चौधरीके मृत्यु हुइलक हो । दुर्घटनामे गम्भीर घाहिल हुइल उहाँहे उपचारके लाग सेती प्रादेशिक अस्पताल धनगढी लैगिलमे डाक्टरसे चेकजाँच करेबेर मृत घोषणा करल रहे ।

स्कुटी ओ चालक धनगढी–५ जाई बैस्ना बर्ष २५ के रमेश चौधरीहे प्रहरी नियन्त्रणमे लेके दुर्घटना सम्बन्धमे आवश्यक अनुसन्धान कैटी रहल जिल्ला प्रहरी कार्यालय कैलालीके प्रवक्त कुलदिप चन्द जनैलै ।