छोट समयमे ढेर काम कैले बाटुँः धामी
पहुरा समाचारदाता
धनगढी, २३ फागुन । सुदूरपश्चिम प्रदेश सरकारके पूर्वमन्त्री रमेश सिंह धामी छोट समयमे ढेर काम करल दाबी करले बाटै ।
उहाँ उद्योग, पर्यटन, वन तथा वातावरण मन्त्रालय सम्हारल छोट समयमेआपन वुद्धि, विवेक ओ दक्षतासे भ्याइटसम इमान्दारिपूर्वक काम करल बटाइल हुइट । उहाँ सीमित स्रोतसाधन, कर्मचारीके अभाव, आवश्यक कानुनी ओ नीतिगत समस्या ओ अनुभवीके बाबजुत फेन अपने छोट अवधिमे जनताहुक्रन माझ सकारात्मक ओ महत्वपूर्ण काम दाबी करल हुइट ।
पूर्वमन्त्री धामी अपने मन्त्री हुइल नौ महिनाके अवधिमे मन्त्रालय ओ मातहतके कार्यालयके सेवा प्रभावहे प्रवाकारी बनैना, फजुल खर्चे निरुत्साहित कैटी सुशासन कायम हुइना मेरके नीति तथा कार्यक्रम तय, मन्त्रालयके क्षेत्राधिकारभिट्टरके योजनामे किल बजेट विनियोजन कैना पद्दती बैठाइल ओ लम्मा समयसे वन क्षेत्रमे अवरुद्ध रहल कामकारबाही सुचारु कैके प्रदेश भिट्टर वनमे आधारित रोजगारी सिर्जना, वन पैदावारसँग सम्बन्धित उद्योग, व्यवसायहे चलायमान बनैना काम करल बटाइल रहिट ।
ओस्टके वैज्ञानिक वन कार्यक्रम खारेजपाछेक शून्यताहे अन्त्य कैटी वन व्यवस्थापन कार्यहे निरन्तरता, उद्योग सम्बन्धी काम आघे बह्राइल ओ पर्यटन क्षेत्रके कामहे चुस्त पर्ना लगायतके नीतिगत सुधारके प्रयास करल उहाँ बटैलै ।
मंगरके रोज मुख्यमन्त्री कमल बहादुर शाह मन्त्री धामी सहित तीन मन्त्रीहे जिम्मेवारीसे हटाइल रहिट ।
केन्द्रमे एमाले सहित माओवादीके गठबन्धन हुइलपाछे प्रदेशमे मुख्यमन्त्री शाह माओवादीसे प्रतिनिधित्व करुइया मन्त्रीहे जिम्मेवारीसे हटागिल रहे । मुख्यमन्त्री शाह उद्योग पयर्टन वन तथा वातावरण मन्त्री रमेशसिंह धामी, सामाजिक विकास मन्त्री झपटबहादुर साउँद ओ उद्योग राज्यमन्त्री गितादेवी मालहे जिम्मेवारीसे हटाइल रहिट ।
