किशोरकिशोरीके मुद्दामे संचार क्षेत्रके भूमिकाबारे छलफल

पहुरा समाचारदाता
धनगढी, २८ फागुन । किशोरकिशोरीके मुद्दामे मिडिया संवेदनशीलता ओ परिचालनबारे छलफल कैगिल बा ।

अहिले नै सबैका लागि व्यापक सेनिलिटी शिक्षा–२ (आरएचआरएन) परियोजना अन्र्तगत यार्ड संस्थाके आयोजनामे संचारकर्मीनसे बालविवाह, लागु औषध पदार्थ दुरुपयोग, मानसिक स्वास्थ्य, व्यापक यौन शिक्षा, किशोरकिशोरीहुकनके प्रजनन अधिकार ओ किशोरावस्थामे आत्महत्याबारे छलफल कैगिल बा । यार्डके टिम लिडर महेश शाही अपन संस्था टमान विद्यालय ओ किशोरकिशोरीके मुद्दामे वकालत, पैरवी, बजेटबारे कार्यक्रम करटी रहल बटैलै । उहाँ किशोरकिशोरीके मुद्दामे संचारकर्मीनहे खोजमुलक समाचार संकलन कैना आग्रह करलै ।

कार्यक्रममे सेती प्रादेशिक अस्पतालके सामाजिक सेवा ईकाई शाखाके प्रमुख गौरीदत्त जोशी नेपालमे किशोरकिशोरी यौन तथा प्रजनन स्वास्थ्य वर्तमान अवस्थाबारे कार्यपत्र प्रस्तुत करल रहिट । कार्यक्रममे नेपाल पत्रकार महासंघ कैलालीके अध्यक्ष हिमालय जोशी संचार क्षेत्रमे किशोरकिशोरीके मुद्दामे कलम चलैटी आइल मने खोजमुलक समाचार, लेखके अभाव डेखल बटैलै ।