कैलारी–७ बसन्तामे ज्ञान विज्ञान धार्मिक महोत्सव सुरु

पहुरा समाचारदाता
हसुलिया, २ चैत । कैलालीके कैलारी गाउँपालिका–७ छटकपुर बसन्तामे विफेक रोजसे ज्ञान विज्ञान धार्मिक महोत्सव सुरु हुइल बा ।

श्री शिव मन्दिर विकाशार्थ एवम १०८ शिवलिङ स्थापनाके लाग ज्ञान विज्ञान धार्मिक महोत्सव आयोजना कैगिल हो । यिहे चैत ८ गतेसम संचालन हुइना ज्ञान विज्ञान धार्मिक महोत्सवके उदघाटन कैलारी गाउँपालिकाके प्रवक्ता तथा वडा नम्बर ७ के वडा अध्यक्ष दिपेन्द्रबहादर बमके बरका पहुना हुइल रहे । उदघाटन कार्यक्रममे निलकुमारी चौधरी, पवित्रीदेवी चौधरी मन्तव्य व्यक्त करल रहिट

गाउँक भल्मन्सा तथा शिव मन्दिर छटकपुर बसन्ता ज्ञान विज्ञान धार्मिक महोत्सव २०८० के संयोजक जियाराम चौधरीके अध्यक्षतामे हुइल कार्यक्रममे स्वागत मन्तव्य इन्द्रबहादुर चौधरी करल रहिट । ज्ञान विज्ञान धार्मिक महोत्सवके प्रमुख बाचक श्री नारायण शरण रहल बटै । ज्ञान विज्ञान धार्मिक महोत्सव सुरु हुइना आघे कलश यात्रा निकारगिल रहे ।