सञ्चारमाध्यमके समस्याबारे गम्भीर बने परल ः प्रदेश प्रमुख मियाँ
पहुरा समाचारदाता
धनगढी, १८ चैत । सुदूरपश्चिम प्रदेश प्रमुख नजिर मियाँ सुदूरपश्चिम प्रदेशके सञ्चारमाध्यमके समस्याबारे गम्भीर बने पर्ना अवस्था रहल बटैले बटै ।
अँटवारके रोज धनगढीमे उपलब्ध सम्पादकहुकनसंगके अन्तरक्रियामे प्रदेश प्रमुख मियाँ सञ्चारमाध्यम समय ओ प्रविधि अनुसार आघे बह्रे पर्ना बटैलै ।
‘समय ओ प्रविधिसंग आघे बह्रे पर्ना अब्बेक आवश्यकता हो । स्थानीय मिडियासे भोगे परल समस्या समाधान करे पर्ना अवस्था बा,’ प्रदेश प्रमुख मियाँ कहलै ।
समस्या समाधानके लाग सरोकारवाला निकायसे चासो डेहे पर्ना उहाँ बटैलै । धनगढीसे प्रकाशित दैनिक अखबारहुकनके अवस्था ओ भोगे परल समयमाबारे चासो रख्टी प्रदेश प्रमुख मियाँ अँटवार अपने कार्यकक्षमे सम्पादकहुकनसंग जिज्ञासा राखल रहिट ।
हाल धनगढीसे करिब दर्जनके हाराहारीमे दैनिक अखबार प्रकाशन हुइटी आइल बा । उ अवसरमे सम्पादकहुक्रे मुलुक संघीयतामे जासेकलेसेफे ओकर अनुभूत करे नइसेकल बटैले रहिट ।
स्थानीय अखबारप्रति प्रदेश सरकार गम्भीर नइडेखल सम्पादकहुकनके गुनासो रहे । लोकतन्त्र स्थापनाके लाग स्थानीय मिडियाके भूमिका रहलेसेफे लोकतन्त्रपाछे सरकार महत्व नइडेहल सम्पादकहुक्रे बटैलै ।
