कैलारीके सुर्मीनालामे गन्ना बोकल ट्रकमे आगी लागल
पहुरा |
२१ चैत्र २०८०, बुधबार
पहुरा समाचारदाता
हसुलिया, २१ चैत । कैलालीके कैलारी गाउँपालिका–३ सुर्मीनालामे आज साँझके साढे पाँच बजेओर गन्ना बोकल ट्रकमे आगी लागल बा ।
कञ्चनपुरसे गन्ना लेके राजापुर बर्दिया जैटी रहल ना ५ ख ४२६९ नम्बरके ट्रकमे विद्युतके तार छुके आगी लागल इलाका प्रहरी कार्यालय हसुलियाके इन्चार्ज लोकेन्द्र चन्द जानकारी डेलै । गन्ना बोकल ट्रकमे आगी लागलपाछे शसस्त्र प्रहरी, नेपाल प्रहरी ओ स्थानीय मिल्के आगी बुटाइल रहिट ।
ट्रकमे लागल आगी अब्बे नियन्त्रणमे आइल बा । आगी समयमे नियन्त्रण लेहल कारण गन्नामे केल लागे पाइल ओ ट्रकमे भर क्षति नइहुइल प्रहरी जनैले बा ।
