डब्लुएचआरके पहिल साधारण सभा सम्पन्न

पहुरा समाचारदाता
धनगढी, २१ चैत । मानव अधिकारका लागि महिला एकल महिला समु्ह (डब्लुएचआर) के पहिल साधारणसभा बुधके रोज धनगढीमे सम्पन्न हुइल बा ।

सुदूरपश्चिम प्रदेशसभा सदस्य माननीय सन्तोष शर्माके बरका पहुनामे हुइल कार्यक्रममे विशिष्ट पहुना प्रदेशसभा सदस्य माननीय खिमा विष्ट, धनगढी उपमहानगरपालिकाके नगर उपप्रमुख कन्दकला राना रहल रहिट । कार्यक्रमके पहुनामे धनगढी उपमहानगरपालिका वडा नम्बर १ के वडा अध्यक्ष सन्तोष मुडभरी, वडा नम्बर ५ के वडा अध्यक्ष गजेन्द्र शाही, धनगढी–४ वडा सदस्य माया भण्डारी, फाया नेपालके सपना भण्डारी न्यौपाने, फेदो कैलालीके अध्यक्ष सविना सुनार, दलित महिला अधिकार मञ्चके इन्द्र दानपालीलगायत ९१ जानेक सहभागिता रहे ।

मानव अधिकारका लागि महिला एकल महिला समु्ह (डब्लुएचआर) कैलालीके अध्यक्ष भगवती हमालके अध्यक्षतामे हुइल कार्यक्रमबारे प्रदेश अध्यक्ष सुमन शर्मा जानकारी जानकारी डेहल रहिट । कार्यक्रममे मानव अधिकारका लागि महिला एकल महिला समु्ह (डब्लुएचआर)के शान्ति परियोजना संयोजक वेद अवस्थी प्रगती प्रतिवेदन ओ कोषाध्यक्ष मिना भण्डारी आर्थिक प्रगति विवरण प्रस्तुत करल रहिट ।

कार्यक्रमके बरका पहुना सुदूरपश्चिम प्रदेशसभा सदस्य माननीय सन्तोष शर्मा संस्कृति परम्परा ओ रुढीवादीके कारण एकल महिला, सीमान्तकृत महिला अभिनफे अपहेलित हुई पर्ना अवस्था रहल बटैली ।

विशिष्ट पहुना प्रदेशसभा सदस्य माननीय खिमा विष्ट मानव अधिकारका लागि महिला एकल महिला समु्ह (डब्लुएचआर)के योगदानसे अपने यहाँसम पुगल बटैली । उहाँ सदन मार्फत एकल महिलाके आवाज सदैव उठान कैना प्रतिवद्धताफे जनैली ।
धनगढी उपमहानगरपालिकाके नगर उपप्रमु्ख कन्दकला राना नगरपालिकासे एकल महिलाहुकनके लाग कार्यक्रम मार्फत, आर्थिक शशसक्तीकरणमे टेवा पुगैना प्रतिवद्धता जनैली ।

कार्यक्रममे वडा नम्बर १ वडा अध्यक्ष सन्तोष मुडभरी, वडा–४के वडा सदस्य माया भण्डारी, नेपाल महिला संघके अध्यक्ष पुष्पा भट्ट, दलित महिला अधिकार मञ्चके इन्द्र दानपाली, फाया नेपालके सपना भण्डारी, मानव अधिकारका लागि महिला एकल महिला समु्ह (डब्लुएचआर) के संस्थापक सरस्वती पाण्डे, मानव अधिकारका लागि महिला एकल महिला समु्ह (डब्लुएचआर) डडेल्धुराके विष्ना सोकी, मानव अधिकारका लागि महिला एकल महिला समु्ह (डब्लुएचआर) कञ्चनपुरके जानकी जोशीलगायत मन्तव्य करल रहिट ।

मानव अधिकारका लागि महिला एकल महिला समु्ह (डब्लुएचआर)के शान्ति परियोजना संयोजक वेद अवस्थी प्रगती प्रतिवेदन प्रस्तुत करटी मानव अधिकारका लागि महिला एकल महिला समुह कैलालीसे विगत २०७८ सालसे एकल महिला, महिला तथा सिमान्तकृत महिलाके सवालमे वकालत तथा पैरवी करटी आइल बटैली । यी संस्थाके कार्यक्षेत्र सुदुर पश्चिम का ९ जिल्ला रहल बटैली । यी गैह्र नाफा मुलक संस्था हो ।

आ.व २०७८÷२०७९ ओ २०७९÷२०८० ममे हु्इल करल कार्यके प्रगति विवरण सार्वजनिक करटी मानव अधिकारको लागि महिला एकल महिला समूह कैललीके अपने भवन रहेल जनैली । संस्थासे एकल महिलाके सामाजिक, सास्कृतिक, राजनितिक तथा आर्थिक सवालमे वकालत तथा पैरवी कैना करठ कलेसे विपत तथा जोखिममे साथे हिंसामे परल महिलाहुकनहे काउन्सेलिङ ओ न्यायके लाग पैरव कैना करठ । यी वर्ष यी सस्थासे ४० जनहनहे मनोपरामर्श तथा ४० जाने हिंसा पीडितहे न्याय डेहुवइले बा ।

यी संस्थासे एकल महिला सवालमे सशक्तिकरण, वकालत तथा पैरवी करटी आइल बा । कलेसे ६५ ठो समुह विस्तार करके ३९९५ जाने एकल महिला सदस्यहु्कनके तथ्यांक रख्न सफल रहल बा । विपन्न एकल महिला तथा सिमान्तकृत महिलाहुकनके छाई ओ टुहुरा बाल बालिकाहे ९०÷९० जाने छात्राहुकनहे छात्रवृत्ति वितरण कैना सफल हुइल बा । सुदुर पश्चिम प्रदेशके ९ जिल्लामे कैलालीमे भर १४ जनहनहे प्रदान करले बा ।

ओस्टेक करके अन्तर्राष्ट्रिय दिवस जस्टे एकल महिला दिवस, महिला श्रमीक दिवस, विश्व शान्ती दिवस १६ दिने महिला हिंसा विरुद्धके अभियान दिवस, बेपत्ता दिवस लगाएत टमान कार्यक्रम सरोकारवालाहुकनसंग समन्वय करके मनैटी आइल बा । सरोकारवालासंग टमान सहकार्य करके कार्यक्रम करटी रहल बा । कलेसे समय समयमे सरोकारवालासंग समन्वयय बैठक करके सल्लाह सुझाव लेनाफे करले बा । समुह विस्तार तथा हरेक समुहमे सहयोगी कक्षा संचालन ओ बचत ऋण कार्यक्रम निरन्तर चल्टी रहल बा । जेकर कारण ढेर एकल महिलाहुक्रे समुहसे ऋण लेके छेगरी पालन, बंगुर पालन, टिना खेती, मुरगी पालन, ढकीया बुन्न, काम करटी आर्थिक सशक्तिकरण हु्इल बा । कलेसे टमान आपर्ना जोखिमसे बाँचल बटै ।

ओस्टेक करके स्थानीय सरकार वडा, गाउँपालिका तथा नगरपालिकामे पहँुचफे पुगल बा । जेकर कारण अपन लाग कार्यक्रम छुट्यइनाफे सफल हुइल बटै । स्थानीय स्तरमे टमान समितिमे प्रतिनिधित्वफे करे लागल बटै । समाजमे एक विभेदरहित समाजके निर्माण कैना परिवर्तनकावाहकके रुपमे परिचालित हुइल बटै । मानव अधिकारको लागि महिला एकल महिला समुह कैललीसे बार्षिक अडिट तथा नविकरणफे करटी आइल बा । वर्षके २ चो अनुगमन तथा मुल्यांकन ओ सामाजिक लेखा परिक्षणफे कैना करल बा ।

कोषाध्यक्ष मिना भण्डारी आर्थिक प्रगति विवरण प्रस्तुत करटी जम्मा आम्दानी ९ लाख ७८ हजार हुइलमे खर्च ४ लाख ८९ हजार हुइल ओ मौजदात रकम ५ लाख २९ हजार रहल बटैली । कार्यक्रममे कैलाली कञ्चनपुरलगायत सुदूरपश्चिमके टमान जिल्लाके मानव अधिकारका लागि महिला एकल महिला समु्ह (डब्लुएचआर) के सदस्यहुकनके सहभागिता रहे ।