अनु चौधरी ओ हसन राईके ‘यी आँखालाई…’ सार्वजनिक

पहुरा समाचारदाता
धनगढी, २४ चैत । चर्चित गायिका अनु चौधरी ओ गायक हसन राईके युगल स्वरमे रहल गीत ‘यि आँखालाई’ सार्वजनिक हुइल बा । लोकप्रिय गीतकार डी पी खनालके शब्दरचना ओ बिक्रम राइके संगीत रहल गीतमे पुरुषोत्तम सुवेदीके एरेन्ज रहल बा ।

मुस्ताङ जिल्लाके हिमाली काखके मनमोहक ठाउँमे खिचल भिडियोमे प्रभातपाल ठकुरी ओ सोफी धरेलके अभिनय रहल बा । केशबराज भट्टके कोरियोग्राफी ओ निर्देशनमे बनल भिडियोमे उत्सव दाहालके सिनेमाटोग्राफी ओ दिन्सन शाहके सम्पादन रहल बा ।

भिडियोहे म्युजिक जक्सन नेपाल (Music Junction Nepal) के यु ट्युब च्यानलसे रिलिज करल बा । लम्मा समयसे नेपाली सांगीतिक क्षेत्रमे लागल गायक हसन राईके इहीसे आघे फेन ढेर गीत सार्वजनिक होसेकल बा ।