विपन्न एकल महिलाके छाईनहे शैक्षिक सामाग्री वितरण

पहुरा समाचारदाता
धनगढी, १९ बैशाख । १३५औं अन्तर्राष्ट्रिय श्रमिक दिवसके अवसरमे बुधके रोज धनगढीमे विपन्न एकल महिलाके छाईनहे शैक्षिक सामाग्री वितरत कैगिल बा ।

मानव अधिकारका लागि एकल महिला समुह सुदूरपश्चिम प्रदेश कार्यालय धनगढीसे १३५औं अन्तर्राष्ट्रिय श्रमिक दिवसके अवसरमे १० जाने विपन्न एकल महिलाहुकनके छाईनहे शैक्षिक सामाग्री वितरण करल हो । मानव अधिकारका लागि एकल महिला समुह सुदूरपश्चिम प्रदेश अध्यक्ष सुमन शर्माके अध्यक्षतामे हुइल हुइल कार्यक्रमके बरका पहुना धनगढी उपमहानगरपालिका वडा नम्बर ५ के कार्यवाहक अध्यक्ष दतुराम पाण्डे ओ विशिष्ट पहुना अन्तर पार्टी महिला संजलके अध्यक्ष सिमा सेवा रहिट ।

विपन्न एकल महिलाके छाईनहे अध्ययनमे सहजता मिले कहटी उ शैक्षिक स्टेशनरी वितरण करल मानव अधिकारका लागि एकल महिला समुह सुदूरपश्चिम प्रदेश अध्यक्ष सुमन शर्मा बटैलै । उहाँ उ सामाग्रीमे झोला, छाता, डटपेन, कापी वितरण करल बटैली ।

शैक्षिक स्टेशनरी सामाग्री वितरण कार्यक्रममे वरका पहुना दतुराम पाण्डे अइना बरस वडा कार्यालयके विपन्न एकल महिलाके छाईनके विद्यालय पोशाक सहयोग कैना बटैलै । उहाँ कहलै, ‘आज अन्तर्राष्ट्रिय श्रमिक दिवस हो । विपन्न एकल महिला दिन भर मजदरी करके घरपरिवारके दैनिक जोहो करे पर्ना अवस्था बा । थोरचे हुइलेसेफे असिन सहयोगसे पह्रे चाहल बालबालिकाहे उप्परसम पह्रनामे सहयोग पुगे सेकी ।’

ओस्टेक विशिष्ट पहुना विशिष्ट पहुना अन्तर पार्टी महिला संजलके अध्यक्ष सिमा सेवा लैङिक हिंसामे परल एक महिलाहे मोवाइल किनेक नगद सहयोग करले बटी । कार्यक्रमके संचालन मानव अधिकारका लागि एकल महिला समुह सुदूरपश्चिम प्रदेशके कोषाध्यक्ष मिना भण्डारी करले रही ।