विपन्न तथा सीमान्तकृत छात्राहुकन छात्रवृति वितरण
पहुरा समाचारदाता
हसुलिया, २० बैशाख । कैलारी गाउँपालिकाके विपन्न तथा सीमान्तकृत छात्राहुकनकहे छात्रवृति वितरण कैगिल बा ।
मानव अधिकारका लागि महिला एकल महिला समुहके आर्थिक सहयोगमे ११ जाने विपन्न तथा सीमान्तकृत छात्राहुकन छात्रवृति वितरण कैगिल हो ।
विपन्न तथा सीमान्तकृत छात्राहुकनहे कैलारी गाउँपालिकाके अध्यक्ष राजसमझ चौधरी, गाउँपालिका प्रवक्ता तथा वडा नम्बर ७ के वडा अध्यक्ष दिपेन्द्रबहादुर बम, शिक्षा शाखा प्रमुख गणेश प्रसाद मिश्र, सामाजिक शाखा प्रमुख यगम कलेल, नेपाली काँग्रेस कैलारी गाउँपालिका सभापति कृष्ण प्रसाद चौधरीलगायतसे उहाँहुकनहे स्कूल छात्रवृति स्वरुप स्कूल झोला, छाता, कपी ओ डटपेन हस्तान्तरण करल कैगिल बा ।
मानव अधिकारका लागि महिला एकल महिला समुहके कोषाध्यक्ष मीना भण्डारीके अध्यक्षतामे हुइल कार्यक्रममे वरका पहुना कैलारी गाउँपालिका अध्यक्ष राजसमझ चौधरीके पहुनामे हुइल कार्यक्रममे सम्बोधन करटी उहाँ मानव अधिकारका लागि महिला एकल महिला समुहसे मजा कामके सुरुवाट करल कहटी अपनेफे पालिका ओ व्यक्तिगत रुपमे सहयोग कैना प्रतिवद्धता जनैलै ।
उहाँ कहलै, ‘मै अपने पैना सेवा सुविधाके रकमसे असहाय बालबालिकाके शिक्षामे लगानी कैना कहले बटु । अब्बे कार्यविधि बनैना जिम्मा डेले बटु । उ तयार हुइटी की अक्षयकोषमे जम्मा हुई ।’
कार्यक्रममे राष्ट्रिय मावि विचैपुर विद्यालय व्यवस्थापन समिति अध्यक्षके नविन बोहरा छोटमोट सहयोगसे पह्राईमे मजा सहयोग पुग्ना बटैलै ।
मानव अधिकारका लागि महिला एकल महिला समुहके शान्ति परियोजना संयोजक वेद अवस्थी एकल महिलाहुकनके छाईनके अध्ययनमे सहयोग पुगे कना उद्देश्यसे यी बरस टमान जिल्लाके १०० जनहनहे छात्रवृति वितरण करल उहाँ बटैली । आघेक बरष ५० जनहनहे वितरण करल रहे । कार्यक्रममे स्वागत मन्तव्य मानव अधिकारका लागि महिला एकल महिला समुहके जिल्ला सहसचिव लक्ष्मी चौधरी करल रहिट ।
