चैतन्य पाठशालामे ‘आमा सम्मान कार्यक्रम’

पहुरा समाचारदाता
धनगढी, २६ बैशाख । मातातीर्थ औँसी अर्थात् डाइक मुख हेर्ना दिनके सुअवसरमे पाठशालासे अभिभावक डाइहुकनहे सम्मान करटी डाइक अतुलनीय योगदानके उच्च कदरभाव प्रकट करले बा ।

कार्यक्रममे विद्यालय व्यवस्थापन समितिके अध्यक्ष ईश्वर गिरीके सभाध्यक्षता हुइल रहे कलेसे प्रेरक उपस्तिथिमे जेष्ठ डाइहुक्रे रहिट । उ कार्यक्रममे स्वागत तथा शुभकामना मन्तव्य व्यक्त करटी पाठशालाके प्रधानाध्यापक कटक ब. सिँह जीवनमे डाइक महिमा अपरम्पार बा , अतुलनीय बा । मातृ देवो भवः पितृ देवो भवः आचार्य देवो भव ः कना भाव सम्प्रेषण करल रहिट । ओस्टेक करके अभिभावक डाईफे पाशालासे करल सम्मानप्रति कृतज्ञता ज्ञापन करल रहिट सक्कु उपस्थित डाइहुकनहे विद्यालयसे मायाके चिनो प्रदान करके उपस्थित डाइहुकनहे सम्मान करल रहे ।

उ कार्यक्रमके सञ्चालन शिक्षिका हेमा जोशी करल रहिट कलेसे कार्यक्रम समापन करटी कार्यक्रमके सभाध्यक्ष ईश्वर गिरीफे पाठशालाहे धन्यवाद ज्ञापन करटी डाइक भूूमिकाके बयान करे नइसेक्ना बाट ओ जननीहे सन्ततिसे भुले नइहुइना विचार रख्टी कार्यक्रमहे सफलतापूूर्वक समापन करल रहिट ।