हिमालयनसे भित्तेघडी ओ टेबल क्यालेण्डर वितरण

पहुरा समाचारदात
धनगढी, ११ जेठ । हिमालयन लाइल इन्स्योरेन्स लिमिटेड, सुदूरपश्चिम प्रदेश शाखा कार्यालय धनगढी शाखा शुकके रोज टमान धार्मिक स्थल, शैक्षिक संस्थालगायतके टमान संस्थामे भित्तेघडी ओ टेबल क्यालेण्डर वितरण करले बा ।

संस्थागत सामाजिक उत्तरदायित्व अन्तर्गत उ कम्पनी २० ठो भित्तेघडी ओ २० ठो टेबल क्यालेण्डर वितरण करल हो ।

लिमिटेडके सुदूरपश्चिम प्रदेश शाखा कार्यालय धनगढी शाखा प्रमुख रामचन्द्र कुश्मी ओ प्रदेश उपप्रमुख प्रमानन्द पन्त अप्नही संस्थामे पुग्गे भित्तेघडी ओ टेबल क्यालेण्डर वितरण करले रहैं ।

भित्तेघडी ओ टेबल क्यालेण्डर कैलाली बहुमुखी क्याम्पस, नैनादेवी मन्दिर, पशुपति मन्दिर, सेती प्रादेशिक अस्पताल, शिवपुरी धाम, पहुरा थारु दैनिकलगायत संघसंस्थामे वितरण करल संस्थाके धनगढी शाखा प्रमुख कुश्मी बटैलैं ।