चालु आर्थिक बर्षमे संचालित योजनाके अनुगमन

पहुरा समाचारदाता
हसुलिया, ६ असार । कैलारी गाउँपालिकाके टमान वडामे चालुअर्थिक बर्षमे संचालित योजनाके अनुगमन कैगिल बा ।

पालिका स्तरीय अनुगमन समितिके संयोजक तथा गाउँपालिका उपाध्यक्ष भगवतीकुमारी चौधरीके नेतृत्वमे टमान वडामे संचालित योजनाके विफेक रोज स्थलगत अनुगमन कैगिलक हो । समितिसे कैलारी गाउँपालिका वडा नम्बर ४ स्थित कालिमाई आविके पक्की पर्खाल ओ तारबारके अनुगमन करले बा । वडा नम्बर ४ स्थित खल्ला के गाउँमृृे गाउँपालिका ओ विल्डअन नेपालके लगानीमे निर्माण हुइल विद्यालय भवनके अनुगमन करल बा ।

वडा नम्बर २ ६ स्थित बनकट्टामे रहल जानकी माविके खेलमैदानके अनुगमन करल बा । जनता मावि कैलारी–९ गदरियामे विद्यालय परिसर निर्माण हुइल सरस्वती मन्दिरके अनुगमन करल बा ।

ओस्टेक करके कैलारी गाउँपालिकाके ९ वडामे कैगिल सडक स्तरोन्नतीके अनुगमन कैगिल बा । जेम्ने १÷२ ठो योजना अन्र्तगतके सडकमे कहु कहु सुधारेपर्ना डेखगैलमे सुधारेक लाग सुझाव डेहल समितिके संयोजक भगवतीकुमारी चौधरी बटैली । कैलारी–८ दुधियामे बनल होमपाइप कल्भर्ट, टमान डगरमे कैगिल ग्राभेल डगरकेफे अनुगमन करल बा ।

अनुगमनमे समितिके संयोजक भगवतीकुमारी चौधरी, भौतिक पूर्वाधार विकास समितिके संयोजक प्रेमबहादुर चौधरी, वडा नम्बर ८ के वडा अध्यक्ष तारामल कठरिया, वडा नम्बर ९ के वडा अध्यक्ष खेमराज चौधरी, अनुगमन समितिके सदस्य सुनिला चौधरी, लालबहादुर विक, योजना शाखा प्रमुख सन्तोषकुमार चौधरी, अस्स्टिेन्ट सवइन्जिनियर रविशंकर चौधरी, रञ्जित कठरिया लगायतके सहभागिता रहे ।