भजनीेमे निुशल्क स्वास्थ्य शिविरमे ३४६ जाने सेवा लेलैं

पहुरा समाचारदाता
धनगढी, ७ भदौ । कैलाली जिल्लाके भजनी नगरपालिकामे अँटवारके रोज हुइल निशुल्क स्वास्थ्य शिविरमे ३४६ जाने टमान मेरिक सेवा लेले बटै ।

भजनी नगरपालिकाके सहकार्यमे नवजीवन सेवा संघ ओ सौभाग्य अस्पताल प्रालि धनगढीके सयूक्त आयोजनामे एक दिने निुशल्क स्वास्थ्य शिविर संचालन कैगिल हो ।
मोहन्याल माविमे हुइल उ शिविरमे २७१ महिला ओ ७५ जाने पुरुष करके कुल ३४६ जाने टमान मेरिक सेवा लेहल नवजीवन सेवा संघके प्रविन श्रेष्ठ जानकारी डेलै ।

उ शिविरमे स्त्रीरोग विषेशज्ञ डा.मधुमाया तिमिल्सिना, जनरल फिजिसन सेवा डा. सुमनकुमार श्रेष्ठ, जनरल सर्जन सेवा डा.सरोज श्रेष्ठलगायतसे सेवा डेहल रहिट । निशुल्क स्वास्थ्य शिविरमे स्वास्थ्य संयोजक कैलाश चौधरी, विद्यालयके प्रअ विज्ञा भट्ट, विद्यालय व्यवस्थापन समितिके पदाधिकारी, स्वास्थ्य स्वय सेविकाहुकनके सहभागिता रहे ।