डोटी अस्पतालमे पिसीआर मेसिन जडान

डोटी, १ भादौं । जिल्ला अस्पताल डोटीमे अँट्वारके पिसीआर मेसिन जडान करल बा ।

सुदूरपश्चिम प्रदेश सामाजिक विकास मन्त्रालयके सहयोगमे जडान करल मेसिन मंगर सकारे सुदूरपश्चिम प्रदेशके मूख्यमन्त्री त्रिलोचन भट्टसे उदघाटन कैना कार्यक्रम तय हुइल जिल्ला अस्पताल व्यवस्थापन समितिके अध्यक्ष यज्ञराज जोशी बटैलै ।

उ जडान करल मेसिनके परीक्षण नतिजाके सहिमापन जाँचके लाग सेती अञ्चल अस्पताल ओ डडेल्धुरामे परीक्षण होसेकल १०–१० ठो पोजेटिभ ओ नेगेटिभ नतिजाके स्वाब सोम्मारके परीक्षण करजैना बायो मेडिकल इन्जिनियर जय साउँद जानकारी डेलै ।

गत चैत १५ गते सुदूरपश्चिम प्रदेश सरकार मन्त्रीपरिषद्के निर्णय अनुसार डोटी, बैतडी ओ कैलालीमे पिसीआर मसिनसहितके प्रयोगशाला बनैना निर्णय हुइल रहे ।